Осиё чемпионатида ғолиб ва совриндор бўлган таэквондочилар пул мукофоти билан тақдирланди

Кеча Ўзбекистон таэквондо WТ ассоциацияси раиси, мамлакат Миллий Олимпия қўмитаси раиси ўринбосари Шерзод Ташматов Малайзиянинг Кучинг шаҳрида ўтказилган ўсмирлар ва ёшлар ўртасидаги Осиё чемпионатида муваффақиятли иштирок этиб, ғолиб ва совриндорлар қаторидан жой олган спортчиларимиз билан учрашди.

Учрашув давомида Шерзод Рихсибаевич ёш таэквондочиларни қўлга киритилган натижалар билан самимий қутлаб, бу билан тўхтаб қолмаслик керак экани, олдинда уларни Дакар-2026 ўсмирлар Олимпиадаси кутиб турганини таъкидлади. 

Тадбир якунида Шерзод Ташматов Осиё чемпионатининг барча ғолиб ва совриндорларини пул мукофотлари билан тақдирлади (олтин медаль учун  15 млн сўм, кумуш медаль учун 10 млн сўм ва бронза медали учун 5 млн сўм) ва кейинги мусобақаларда омад ёр бўлишини тилади.