Осиё чемпионатида яна икки йўқотиш. Маханов Оралбайга қарши жанг ўтказди

Бугун қитъа биринчилиги доирасида 5 нафар чарм қўлқоп устамиз чорак финал жангини ўтказди. Ғолиб камида бронза медалини нақд қилиши боис, жангларга бўлган қизиқиш юқори эди. 

Афсуски, 5 боксчимиз 2 нафари рақибларига имкониятни бой бериб, Осиё чемпионатини медалсиз якунлайдиган бўлди. Бироз аввал якунига етган оғир вазн (+90 кг) тоифасидаги ўзбек-қозоқ қарама-қаршилигида Арман Маханов жаҳон чемпиони Айбек Оралбайга 1:4 ҳисобида ютқазди. Феруза Абдуалимова (-65 кг) эса иккинчи раундда техник нокаут билан КХДР вакиласи Ҳё Сун Хвангдан енгилди.  

Қолган уч боксчимиз рақибларидан устун келиб, 1/2 финалга йўл олиш баробарида камида бронза медалини нақд қилиб қўйишди. Азиза Зокирова япониялик рақибасини учинчи раундда техник нокаутга учратди. 

Боксчиларимиз иштирокидаги жанг натижалари:

-65 кг: Феруза Абдуалимова - Ҳё Сун Хванг (КХДР) техник нокаут

-65 кг: Абдуллоҳ Мадаминов - Пратап Ядов (Ҳиндистон) 5:0

-75 кг: Азиза Зокирова - Наоко Касахара (Япония) техник нокаут

-60 кг: Абдураҳмон Маҳмуджонов - Моҳаммад Абу (Иордания) 5:0

+90 кг: Арман Маханов - Айбек Оралбай (Қозоғистон) 1:4