09 мар 14:30
Янгиликлар

Спорт курашлари

Осиё чемпионатидан сўнг уч нафар ўзбекистонлик эркин курашчи дунё рейтингида пешқадамга айланиб олди

Хабарингиз бор, бундан бир неча кун олдин Қирғизистонда спорт курашлари бўйича Осиё чемпионати якунига етди.

Унда ўзбекистонлик полвонлар умумий ҳисобда 15 та медални қўлга киритгандилар.

Бугун Бирлашган кураш дунёси халқаро ассоциацияси спортчиларнинг янги рейтингини эълон қилди.

Янгиланган рейтингда уч нафар эркин курашчимиз - Аббос Раҳмонов (-61кг), Рашид Қурбонов (-79кг) ҳамда Магомед Ибрагимовлар (-97кг) ўз вазн тоифаларида дунё рейтингида биринчи ўринга кўтарилиб олдилар.

Эслатиб ўтамиз, Бишкекдаги баҳсларда Аббос Раҳмонов бронза, Рашид Қурбонов кумуш, Магомед Ибрагимов эса олтин медалларни қўлга киритганди. Эътибор берган бўлсангиз, Осиё чемпионати яқиндагина якунлангани сабабли вазн тоифаларда асосан қитъадошларимиз етакчи ўринларда қайд этилганлар.