Осиё хоккей федерацияси мутасаддилари Ўзбекистонда бўлишди

Куннинг иккинчи ярмида юртимизда чим устида хоккей спортининг ривожланишига масъул ташкилот ҳисобланган “Ўзкимёсаноат” АЖ раҳбарияти ва ушбу тадбирда иштирок этган расмийлар ўртасида учрашув бўлиб ўтди. Унда “Ўзкимёсаноат” АЖ раҳбари Жўрабек Мирзамаҳмудов Жисмоний тарбия ва спорт вазирлиги, МОҚ, Ўзбекистон чим устида хоккей федерацияси ҳамда Осиё хоккей федерацияси раҳбарияти билан учрашув ўтказди. Суҳбат давомида ушбу спорт турини юртимизда янада ривожлантириш, мамлакатимизда Олимпия ҳаракати ва соғлом турмуш тарзини чим устида хоккей мисолида тарғиб қилиш масалалари атрофлича муҳокама қилинди. 

Ўз навбатида Жўрабек Мирзамаҳмудов учрашувда илгари сурилган терма жамоаларимизнинг янги майдонда ўтказиладиган ўқув-машғулот йиғинларини ташкил қилиш, уларнинг халқаро мусобақалардаги иштирокини таъминлаш каби таклифларни қўллаб-қувватлаб, бу борада Жисмоний тарбия ва спорт вазирлиги ҳамда МОҚ билан ҳамкорликда фаолият олиб боришга тайёр эканлигини таъкидлади.