UZ

Сўнгги янгиликлар

18:11IBA ташкилотдан четлатилган давлатларни ошкор қилди 0 17:50Суперлига-2023. Энг кўп бурчак зарбаси амалга оширган жамоани биласизми? 0 17:29Ислам Махачев учун энг хавфли рақиб айтилди 0 17:08"Орадан тўрт ҳафта ўтиб". Стэн Вавринка машғулотга қайтди 0 16:47"Сохта" АҚШ бокс федерацияси IBA таркибига қабул қилинди 0 16:26МЮ 4 нафар футболчиси билан шартномани узайтирмоқчи 0 16:05Пенчак силат спорт турининг йил сарҳисоби ўтказилди 0 15:44Арман Царукян ярим йилга четлатилди 0 15:23ACA 167 турнирининг барча натижалари битта хабарда 0 15:02Остон Ўрунов фаолиятини қайси клубда давом эттиради? 0 14:41Фомин рейтингда ўзидан 164 поғона юқоридаги теннисчини таслим этди 0 14:12UFC чемпиони собиқ МЮ футболчиси томонидан бўғиб қўйилди + ФОТО 0 13:51IBA раҳбари Умар Кремлёв Жаҳон чемпионати-2024 мукофот жамғармасини очиқлади 0 13:30"Милан" ярим ҳимоячисини қўйиб юборишга тайёр 0 13:09Жо Роган: "Фақатгина бир ҳолатда допингга рухсат беришлари керак" 0

22 ноя 16:39
Янгиликлар

Волейбол

ОТМК волейболчилари Ўзбекистон суперкубоги соҳибига айланди

Теглар :  Волейбол
Хабарингиз бор, Олмалиқ шаҳридаги «Металлург» спорт мажмуаси уч кун давомида волейбол бўйича Ўзбекистон суперкубоги баҳсларига мезбонлик қилди.

Аёллар ўртасида ўтказилган баҳсларда барча масала дастлабки икки кунда ҳал бўлди, Нукус давлат педагогика институти волейболчи қизлари ҳар икки ўйинда мамлакат чемпиони ҳамда кубоги соҳиби Ўзбекистон давлат жисмоний тарбия ва спорт университетининг СКУФ жамоасини ишончли тарзда мағлуб этди ва суперкубокни қўлга киритишди.

Эркаклар ўртасидаги баҳслар эса уч кунга чўзилди. Унда амалдаги Ўзбекистон чемпиони ва кубоги соҳиби Самарқанднинг «Ўзтелеком» жамоаси чемпионатнинг кумуш медалларига эга чиққан ОТМК жамоаси билан куч синашди. Дастлабки ўйинда самарқандликлар 3:2 ҳисобида ғалаба қозонишган бўлсада, кейинчалик олмалиқлик волейболчилар ташаббусни ўз томонига оғдиришди. Улар кейинги ўйинларни бир хил – 3:1 ҳисобида ўз фойдаларига ҳал қилишди ва Ўзбекистон суперкубоги-2021 соҳибига айланишди.

Суперкубок баҳслари тугагач Олмалиқда жорий мавсум ғолиб ва совриндорларини тақдирлаш маросими ўтказилди. Тадбирда Туризм ва спорт вазирлиги ҳамда Ўзбекистон спорт фахрийлари кенгаши вакиллари ҳам иштирок этишди.

Чемпионат якунларига кўра, эркаклар ўртасида олтин медалга «Ўзтелеком», кумуш медалга ОТМК ва бронза медалига Ўзбекистон чемпионати дебютанти «Миллий гвардия» жамоалари сазовор бўлишди.

Аёллар ўртасида эса совриндорлар рўйхати қуйидагича кўриниш олди:

СКУФ (Тошкент вилояти) – олтин медаль,

НДПИ (Қорақалпоғистон Республикаси) – кумуш медаль,

Андижон вилояти терма жамоаси – бронза медали.


Шунингдек, маросимда бир қатор номинациялар бўйича ҳам энг яхшилар тақдирланишди:

«Энг яхши боғловчи» номинациясида:

Бекзод Раҳимов («Ўзтелеком»),

Мухлисахон Жалолова (Андижон вилояти терма жамоаси).


«Энг яхши тўсиқ қўювчи» номинациясида:

Аҳрор Собиров («Ўзтелеком»),

Оятхон Ёқубова (СКУФ).


«Энг яхши ҳимоячи» (либеро) номинациясида:

Тўлқин Нишонов («Миллий гвардия»),

Гулмира Султонбоева (СКУФ).


«Энг яхши марказий ҳужумчи» номинациясида:

Санжар Ахтамов (ОТМК),

Азиза Жулдасбаева (НДПИ).


«Энг яхши ҳужумчи» номинациясида:

Бунёд Хусинов («Ўзтелеком»),

Нодира Султонбоева (СКУФ).


«Энг яхши ўйинчи» номинациясида:

Алишер Асқаров («Ўзтелеком»),

Нодира Реимбаева (НПДИ).


«Энг яхши тренер» номинациясида:

Азиз Тешабоев (ОТМК, эркаклар жамоалари ўртасида),

Акром Умматов (СКУФ).


«Энг яхши ҳакам» номинациясида:

Ғанижон Жуманиёзов.


«Энг яхши ҳудудий федерацияси»:

Фарғона вилояти.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг