Ўзбекистон фигурали учиш бўйича қишки Олимпиада саралаши учун қўшимча квотасидан фойдаланмади

Унда иштирок этувчи Ўзбекистон делегацияси ҳозирча 2 та йўлланмага эга чиққани ҳақида маълум қилгандик. Йўлланмалардан бири фигурали учишнинг жуфтлик йўналишида, иккинчиси эса тоғ чанғиси спорт тури бўйича қўлга киритилган.

Фигурали учувчиларимиз Екатерина Гейниш ҳамда Дмитрий Чигирёв Жаҳон чемпионатидаги иштироки орқали делегациямизга илк имкониятдаёқ йўлланма тақдим этганди. Шу муносабат билан Ўзбекистон МОҚқа ушбу спорт турининг жуфтлик йўналишида лицензион турнир учун яна бир йўлланма ажратилган эди.

Бироқ Хитойнинг Пекин шаҳрида ўтказиладиган лицензион турнир иштирокчилари рўйхатига назар ташласак, Ўзбекистон терма жамоаси аъзолари йўқ эканини кўришимиз мумкин. Бундан Ўзбекистон МОҚ қўшимча квота имкониятидан фойдаланмаганини билиш мумкин.