Ўзбекистонда илк кумуш! Ойбек Жўраев Маҳмуд Сабирханга мағлуб бўлиб, жаҳон чемпионатининг кумуш медали билан чекланди

Бугунги кун доирасидаги илк финал жанги -54 кг вазн тоифасида бўлиб ўтди. Унда ўзбекистонлик Ойбек Жўраев ва қозоғистонлик боксчи Маҳмуд Сабирхан тўқнаш келди. Мазкур финал жанги тўлиқ 3 раунд давом этди ва унда ҳакамларнинг якдил қарори билан 5:0 ҳисобида қозоғистонлик Маҳмуд Сабирхан ғалаба қозониб, жаҳон чемпионати олтин медали ҳамда 200 минг доллар кафолатланган гонорарга эга чиқди. Жанг давомида Сабирхан Ойбекни икки бор нокдаун ҳолатига туширганини ҳам таъкидлаш лозим. Қайд этиш жоиз, Сабирханнинг олтин медали Қозоғистон термаси учун ушбу чемпионатдаги умумий ҳисобда иккинчи олтин медаль бўлди.

Кумуш медалга эга чиққан Ойбек Жўраев эса эндиликда 100 минг доллар кафолатланган гонорарни қўлга киритди. Бу Ўзбекистон терма жамоаси учун ушбу чемпионатдаги илк кумуш медаль бўлди.