08 мар 20:06
Янгиликлар
Бокс/ММА
Ўзбекистонлик ёш боксчи қозоғистонлик жаҳон чемпионини мағлуб этди ва олтин медаль қўлга киритди
Финляндия пойтахти Хельсинки шаҳрида бокс бўйича катталар ўртасида халқаро турнир ниҳоясига етди.
Аввалроқ, мусобақага уч нафар боксчи билан борган Ўзбекистон терма жамоасининг икки аъзоси финалгача етиб боргани ҳақида хабар қилгандик.
Бугун мусобақа финали доирасида -57 кг вазнли бoксчимиз Абдумалик Халаков қозоғистонлик Қайрат Ералиевни 4:1 ҳисобида мағлуб этди. Қайд этиш лозимки, Ералиев 2017 йилги жаҳон чемпионатида олтин медални қўлга киритганди.
-63 кг вазнли Асадхўжа Мўйдинхўжаев эса қошидан олган жароҳат сабаб финалда иштирок эта олмади ва кумуш медаль билан кифояланди.
Ҳавола :
Манба : olamsport.com
Фикрлар