Ўзбекистоннинг биринчи ракеткаси Кипрда 704-ракеткага ютқазди

Хабар берганимиздек, ҳамюртимиз Сергей Фомин Alaminos-Larnaca турнирининг биринчи рақамли теннисчиси сифатида сараланганди. Афсуски,  мамлакатимизнинг биринчи ракеткаси финал остонасида ўз иштирокини якунлашга мажбур бўлди. 

Фомин 2 соату 40 дақиқа давом этган 1/2 финал учрашувида ATP рейтингида 704-поғонада бораётган, турнирнинг бешинчи ракеткаси болгариялик Симон Ивановга 1/6, 7/6(5), 3/6 ҳисобларида имкониятни бой бериб қўйди. 

Ҳамюртимиз 1, болгариялик теннисчи эса 3 та эйс зарбасини амалга оширган. Қўшхатолар иккала теннисчида ҳам 3 тани ташкил этди. Сергей айни пайтда дунёнинг 355-ракеткаси бўлиб турибди.