07 авг 11:02
Янгиликлар

Теннис

Palermo Ladies Open. Контавейт 1/4 финалга чиқди

Италиянинг Палермо шаҳрида рестартдан кейинги илк WTA турнири давом этмоқда.

Мусобақада чорак финал иштирокчилари маълум бўлди. Дунёнинг 22-ракеткаси бўлиб турган Анетт Контавейт ҳам ушбу босқичга етиб келган саккиз теннисчидан бирига айланди.

Эстониялик 24 ёшли Анетт иккинчи давра учрашувида рейтингнинг 65-поғонасидан жой олиб турган германиялик 32 ёшли Лаура Зигемунддан устун келди - 3/6, 6/2, 6/2. Учрашув 2 соату 18 дақиқа давом этган. Энди Контавейт Palermo Ladies Open 1/4 финалида италиялик Элизабетта Коччиареттога қарши кортга чиқади.