Паралимпия ўйинлари очилишида кимлар байроқдоримиз бўлиши маълум қилинди

Шу муносабат билан Миллий паралимпия қўмитасида вакилларимизни тантанали кузатиш маросими ташкил этилди.

Тадбир якунида Ўзбекистон Республикаси Бош вазири ўринбосари – туризм ва спорт вазири Азиз Абдухакимов пара енгил атлетикачиларимиз – Муҳаммад Рехсимов ҳамда Нурхон Қурбонова Паралимпия ўйинларининг тантанали очилиш маросимида Ўзбекистон спорт делегациясининг байроқдорлари бўлишини эълон қилди.

Эслатиб ўтамиз, ХVI ёзги Паралимпия ўйинларида ватанимиз шарафини 48 нафар пара атлет ҳимоя қилишади. Улар жами 55 та медаль учун курашади. Мусобақа эса шу йил 24 августдан 5 cентябрга қадар ўтказилади.