Паралимпиячиларимиз Лондондаги ЖЧни олтин медаль билан бошладилар

Бугун  Лондон-2017 Жахон чемпионатида эркаклар ўртасида енгил атлетиканинг диск отиш тури бўйича иштирок этган ҳамюртимиз Хуснуддин Норбеков 54.73 натижаси билан олтин медални қўлга киритди ва иккинчи маротаба жахон чемпиони унвонини қўлга киритди. Бундан олдин 2015 йил Қатар пойтахти Доха шаҳрида бўлиб ўтган пара-енгил атлетика жахон чемпионатида хам Хуснуддин Норбеков 53.81 натижаси билан жахон чемпиони бўлган эди. Эндиликда Хуснуддин Норбеков 23 июн куни ядро улоқтириш бўйича иштирок этади.

Эслатиб ўтамиз мазкур чемпионат 10 кун давом этади ва 1056та спортчилар 213та совринли ўринлар учун куч синашадилар. Шулар орасида ҳамюртларимиздан 7 нафари ядро улоқтириш, найза отиш, югуриш, узунликга сакраш мусобақаларида иштирок этадилар.