Пекин-2022. 15 ёшли Камила Валиева Олимпиадада 4 та рекорд ўрнатди

Валиева Пекин-2022 Олимпиадасининг жамоавий баҳслари эркин дастурида бирйўла тўртта рекорд ўрнатди. Ёш спортчи Олимпия ўйинларида тўрт айланиб сакраш (тўртталик сальхов), тўрт айланиб сакраш каскад (тўртталик тулуп учталик тулуп)ни амалга оширган биринчи аёл фигурали учувчи бўлди. 

Шунингдек, Валиева битта дастурда иккита тўртталик айланиб сакраш машқини ҳам бажарди. Камиланинг яна бир рекорди - тўртта айланали сакраш ва учталик акселни амалга оширганидан сўнг қайд этилди.

Эслатиб ўтамиз, Россия терма жамоаси кеча Пекиндаги Олимпиадада фигурали учиш бўйича жамоавий баҳсларда ғолиб чиқди. Кумуш медаль АҚШ терма жамоасига насиб этган бўлса, бронза медалига Япония вакиллари эга чиқишди. 

Камила Валиева, Марк Кондратюк, Анастасия Мишина / Александр Галлямов ва Виктория Синитсина / Никита Катсалапов фигурали учиш бўйича Россия терма жамоаси таркибида Олимпия чемпиони бўлишди.