20 фев 08:38
Янгиликлар

Олимпия ўйинлари, Қишки спорт турлари

Пекин-2022. Сўнгги куннинг илк олтин медали Австрияга кетади + ФОТО

Теглар : Қишки Олимпиада Пекин-2022

Хитой мезбонлигида ўтаётган 24-Қишки олимпия ўйинлари сўнгги кунининг илк медаллар жамланмаси ўз эгаларини топди.

Бироз аввал тоғ чанғи спортининг аралаш таркиб жамоавий баҳсларида Олимпия ўйинларининг ғолиб ва совриндорлари номи маълум бўлди. Унда Катарина Труппе, Штефан Бреннштайнер, Катарина Линсбергер ва Йоханнес Штрольцдан иборат Австрия терма жамоаси 24-Қишки Олимпиада чемпионига айланди.

Финалда австрияликлар Германия терма жамоасини ортда қолдиришди. Бронза медаллар Норвегия терма жамоасига насиб этди.

Тоғ чанғи спорти. Аралаш жамоавий баҳслар

1. Австрия (Катарина Труппе, Штефан Бреннштайнер, Катарина Линсбергер, Йоханнес Штрольц).

2. Германия (Лена Дюрр, Юлиан Раухфус, Эмма Айхер, Александер Шмид).

3. Норвегия (Мария Тереза Твиберг, Фабиан Вилькенс Сольхейм, Теа Луиза Стьернесунд, Тимон Хёуган).