Пекин (ATP). Янник Синнер фаолиятидаги 21-совринини қўлга киритди

Мусобақа бош соврини дунёнинг иккинчи ракеткаси Янник Синнерга насиб этди. Италиялик теннисчи ҳал қилувчи финал учрашувида ATP рейтингида 52-поғонада бораётган америкалик Лёрнер Тьенни ортиқча қийинчиликсиз мағлубиятга учратди - 6/2, 6/2. Бу теннисчиларнинг ўзаро ўтказган илк учрашуви бўлди.

Олтмиш тўрт дақиқа давом этган баҳсда Синнер 10 та эйс зарбасини амалга ошириб, 4 та брейкка эришди. Тьенда эса бу икки кўрсаткич 0 кўринишида бўлди. Янник фаолиятидаги 21-совринини қўлга киритди. Бу унинг ATP 500 тоифасига кирувчи 6-титули эди. У жорий мавсум "Катта Дубулға" туркумига кирувчи Australian Open ва Уимблдон турнирларида ҳам бош совринга эга чиққанди. 

Италиялик теннисчи Пекин ATP 500 турнирида 2023 йилда ҳам чемпион бўлганди. Ўшанда у финалда россиялик Даниил Медведевни мағлубиятга учратган эди.