23 фев 08:28
Янгиликлар

Теннис

Петра Квитова Дубай турнири финалида ўйнайди

БААнинг Дубай шаҳрида ўтказилаётган теннис бўйича нуфузли турнир ўзининг ҳал қилувчи палласига кирди.

Дунёнинг тўртинчи ракеткаси Петра Квитова иккинчи финалчига айланди. Чехиялик теннисчи ярим финал учрашувида Хитой Тайпейи вакиласи Се Су-Вейдан устун келди.

Квитова 2 соату 9 дақиқа давом этган баҳсда рейтингнинг 31-поғонасидан жой олган рақибасини 3/6, 6/2, 6/4 ҳисобида мағлуб этди. Петра бугун ўтказиладиган финал учрашувида швейцариялик Белинда Бенчичга қарши кортга чиқади.