13 июн 11:12
Янгиликлар

Спорт курашлари

Poland Open. Бугун олти нафар юнон-рум курашчимиз гиламга чиқади

Хабарингиз бор, шу кунларда Польша пойтахти Варшава шаҳрида спорт курашлари бўйича анъанавий халқаро турнир бўлиб ўтмоқда.

Poland Open рейтинг турнирида Ўзбекистон терма жамоаси ҳам иштирок этяпти. Баҳсларни бошлаб берган эркин курашчиларимиз биттадан олтин, кумуш ва бронза медалини қўлга киритишган эди. Аниқроғи, Токио Олимпиадаси лицензианти Ғуломжон Абдуллаев чемпионлик шоҳсупасига кўтарилган бўлса, Рашид Қурбонов кумуш, Маҳмуд Шавкатов бронза медалига эга чиққанди.

Кеча юнон-рум курашчиларимиздан Жалгасбай Бердимуратов олтин, Елмурат Тасмурадов ва Мўминжон Абдуллаев бронза медалига сазовор бўлишди. Бугун Муҳаммадқодир Юсупов (60 кг), Ислом Баҳромов ва Мирзобек Раҳматов (63 кг), Арам Варданян (72 кг), Рустам Ассакалов (87 кг) ва Ергали Айхимбаев (97 кг) Poland Open медаллари учун гиламга чиқади.