11 апр 07:21
Янгиликлар

Теннис

Полона Херцог иродали ғалабага эришди

Дунёнинг 89-ракеткаси бўлиб турган Полона Херцог Швейцариянинг Лугано шаҳрида ўтказилаётган турнирнинг чорак финалига йўл олди.

Словениялик теннисчи рейтингнинг 103-поғонасидан жой олган руминиялик Сорана Кирстядан устун келди. Икки соату 22 дақиқа давом этган баҳсда Херцог 3/6, 7/6(0), 6/4 ҳисобидаги иродали ғалабага эришди.

Энди 28 ёшли Полона Samsung Open турнирининг чорак финалида россиялик Вероника Кудерметова ҳамда швециялик Ребекка Петерсон учрашуви ғолибасига қарши кортга чиқади.