Поветкин - Уайт реванш жанги учун икки сана

Хирннинг айтишича, реванш жанги ноябрь ойида ўтказилади. Жанг учун иккита сана ҳам айтилди. 

"Поветкиннинг жамоаси реваншга юз фоиз тайёргарлик билан келмоқчи. Улар реванш жанигга рози. Иккинчи жангда Поветкин янада кўпроқ гонорар ишлаб олади. У ўзининг ғалабасига ишонмоқда. Биз ушбу жангни 14 ёки 21 ноябрь куни ўтказмоқчимиз. Оғир вазнда ортиқча вазндан халос бўлиш деган нарсанинг ўзи йўқ. Шунинг учун, 12 ҳафта ҳар икки боксчи учун тайёргарлик кўриб олишига етади. Уайт ва Поветкин 3-4 ҳафта дам олишади ва шундан сўнг машғулотларга қайтишади. Ҳозир тикланиш кўпроқ Уайтга керак", — дея Хирннинг сўзларини келтирмоқда Boxingnews24.

Эслатиб ўтамиз, боксчилар ўртасидаги илк жанг 22 август куни Британияда ўтказилган ва унда Александр Поветкин рақибини бешинчи раунда нокаутга учратган эди.