"Пул эмас". Усик боксдаги мотивациясини айтди

Украиналик боксчининг сўзларига кўра, у доимо ўзи амалга оширмоқчи бўлган мақсадларни излайди.

"Албатта, пул мени илҳомлантирмайди. Ўз олдимга қўйилган вазифаларни бажариш менга туртки бўлмоқда. Мен ўзимга айтаман: "Мен буни уддалай оламанми?". Мен буни уддалайман. Бу худди биринчи қаватдан иккинчи қаватга, иккинчидан учинчи қаватга ўхшайди - бу бориб буни амалга ошириш учун мотивация.

Кўпчилик қилаётган ишларига ишонмайди. Улар орзу қиладилар, лекин орзулари сари бормайдилар. Улар буни қилишни хоҳлашларини айтишади, лекин амалда эмас, фақат сўзда".

Усик, шунингдек, яқинларининг ўз мотивациясидаги ролини таъкидлади.

"Ҳар биримиз мотивацияга эга бўлишимиз керак. Биринчидан, онамга мен буни қила олишимни исботлашим мен учун мотивация, шунда у бахтли бўлади. Отам, яқинларим... Лекин, бу бировнинг ишларига аралашиш керак дегани эмас. Сен уддалаганингда, улар сенинг ишларингга аралашишади, сабаби, сенинг уддалаганинг. Сен нимани хоҳласанг, шуни қилишинг керак, фақат тажриба билан.

Кўп одамлар ўзларини мотиватор деб айтишади, лекин улар адашади. Аслида, биз ҳеч нарсани билмаймиз. Қанча ўқимайлик, қанча иш қилмайлик, биз аҳмоқмиз», — деди Усик.

Эслатиб ўтамиз, Усик 25 сентябрда Энтони Жошуага қарши жанг қилиб, уни мағлуб этган ва WBA, WBO, IBF ва IBO титулларига эга чиқган.