Qatar TotalEnergies Open. Азаренко Елена Остапенкони сезмади

WTA рейтингида 31-поғонада бораётган беларуслик Виктория Азаренко 1/8 финалда дунёнинг 11-ракеткаси, латвиялик Елена Остапенкони ортиқча қийинчиликсиз мағлубиятга учратди - 6/0, 6/3. Виктория Еленага ноқулай рақиб бўлиб қолмоқда. Ўзаро ўтказилган барча 5 та учрашувда Азаренконинг қўли баланд келган.  

Саксон саккиз дақиқа давом этган кечаги баҳсда Азаренко 6, Остапенко 1 та эйс зарбасини амалга оширган. Қўшхатолар латвиялик теннис маликасида кўпроқ бўлди - 8 га 3. Брейклар бўйича мутлақ устунлик беларуслик теннисчида бўлди - 4 га 0.