23 апр 13:01
Янгиликлар

Бокс/ММА

Қирғизистонлик UFC жангчиси Кевин Лига "вызов" ташлади

Қирғизистонлик UFC жангчиси Рафаэль Физиев кейинги жангини Кевин Лига қарши ўтказиш истагини билдирди.

Ли енгил вазнда вақтинчалик UFC чемпионлик камарига собиқ даъвогар ҳисобланади.

"Илтимос, менга Кевин Лини топишга ёрдам бериб юборинглар", - дея ўзининг Твиттер саҳифасида видео мурожаат қолдирган қирғизистонлик "Атаман".

Маълумот учун, 28 ёшли Рафаэль Физиев UFC промоушенида кетма-кет 3 та жангда ғалаба қозонди. Охирги жангида ярим енгил вазн тоифасида ном қозонган Ренато Мойканони нокаутга учратди. 28 ёшли Кевин Ли эса охирги жангини ўтган йилнинг март ойида Чарльз Оливейрага қарши ўтказиб, учинчи раундда техник нокаут билан мағлуб бўлган эди.

Айни пайтда Ли UFC рейтингида 13-ўринни эгаллаб турибди. Физиев эса ҳали Топ-15 жангчилар рўйхатига кирмаган.