14 июл 13:53
Янгиликлар

Спорт курашлари, Токио-2020

Қирғизистоннинг Олимпиада очилишидаги байроқдори маълум

Юнон-рум кураши бўйича Қирғизистон терма жамоаси аъзоси Атабек Азисбеков мамлакат олимпия терма жамоасининг сардори бўлади.

Қирғизистон Президенти Садир Жапаров Азисбековга мамлакат миллий байроғини тақдим этади. Айнан юнон-рум курашчи 23 июль куни "Миллий" стадионда ўтказиладиган Токио Олимпиадасининг тантанали очилиш маросимида Қирғизистон байроғини стадион узра олиб ўтади.

Маълумот учун, Атабек Азисбеков юнон-рум кураши мусобақасининг 87 кг вазн тоифасидаги баҳсларида гиламга чиқади. Лондон-2012 Олимпиадасида дзюдочи Чингиз Мамедов, 2016 йилги Рио Олимпия ўйинларида боксчи Эркин Адилбек уулу Қирғиғистон байроқдори бўлган эди.