Қозоғистон Олимпия ўйинларида қайси спорт турларидан медалга умид қилмоқда?

Қозоғистон Миллий Олимпия қўмитаси бош котиби Андрей Крюков қозоғистонлик спортчилар Токиода бўлиб ўтадиган Олимпия ўйинларида медалларни қўлга киритиш учун яхши имкониятларга эга бўлгаб спорт турларини айтди, деб хабар берди Sports.kz

"Анъанага кўра, бизнинг спортимизда ҳар доим якка кураш спорт турларига кучли ишонч билдирилган. Аммо энди Токио Олимпиадасида устувор йўналишлар ўзгарди, спортчилар етарлича вакил бўлган янги турлари пайдо бўлди. Бокс, кураш, дзюдо, сузиш ҳақида айтишимиз мумкин. Умид қиламизки, Дмитрий Баландин муносиб чиқиш қилади, у жуда яхши тайёрланмоқда. Велоспорт, оғир атлетика. Шунингдек, гимнастика, таэквондо ва қояга кўтарилиш, каратэ бўйича спортчиларимизда имкониятлар юқори ва биз яхши натижалар кутмоқдамиз. Булар биз муваффақиятли натижани кутадиган анъанавий турлар", - деди Крюков.