22 янв 09:28
Янгиликлар

Теннис

Қозондаги теннисчиларимизнинг рақиблари маълум

Россиянинг Қозон шаҳрида теннис бўйича “Фьючерс” туркумига кирувчи турнир давом этмоқда.

Мукофот жамғармаси 25 000 АҚШ долларини ташкил қилувчи мусобақанинг асосий тўр баҳсларида уч нафар теннисчимиз - Санжар Файзиев, Ҳумоюн Султонов ҳамда Сергей Фомин ҳам иштирок этади.

Қуръа натижасига кўра, ATP рейтингида 386-ўринни эгаллаб турган истеъдодли теннисчимиз Ҳумоюн Султонов биринчи даврада саралаш баҳси ғолибларидан бирига қарши кортга чиқади. Ҳумоюн Қозон турнирининг учинчи ракеткаси сифатида сараланган.

Санжар Файзиевнинг биринчи босқичдаги рақиби россиялик Александр Игошин бўлади. Турнирда саккизинчи рақам остида таснифланган Сергей Фомин эса асосий тўрга имтиёзли йўлланма асосида қўйилган россиялик Алибек Качмазов билан тўқнаш келади.