14 июн 12:37
Янгиликлар

Теннис

Queen's Club. Елена Рибакина 1/2 финалга чиқа олмади

Қозоғистонлик теннис маликаси Лондонда давом этаётган WTA 500 тоифасига кирувчи турнирдаги иштирокини якунлади.

Дунёнинг 11-ракеткаси бўлиб турган Елена Рибакина Queen's Club турнирининг 1/4 финалида WTA рейтингида 86-поғонада бораётган германиялик Татьяна Марияга имкониятни бой бериб қўйди - 4/6, 6/7(4).

Бу теннисчиларнинг ўзаро ўтказган илк учрашуви бўлди. Бир соату 47 дақиқа давом этган баҳсда Рибакина 10, Мария 8 та эйс зарбасини амалга оширган. Саралаш баҳсларидан асосий тўрга йўл олган Татьяна Мариянинг финал чиптаси учун кечадиган баҳсдаги рақибаси америкалик Мэдисон Киз бўлади.