04 фев 16:56
Янгиликлар

Теннис

Рафаэль Надаль: Тўйим билан боғлиқ ҳолат мени ташвишга соляпти

Дунёнинг иккинчи ракеткаси Рафаэль Надаль никоҳ тўйи билан боғлиқ саволларга кескин жавоб қайтарди.

“Уйланаманми ёки йўқ, бунинг сизга нимаси қизиқ? Тушунаман, сиз ўз вазифангизни бажаряпсиз. Лекин ҳозир бу мавзуда мен ҳеч нарса демайман. Мени тўйимга бўлган қизиқишнинг кучайиб бораётгани безовта қиляпти. Қайсидир маънода ташвишга ҳам солмоқда. Бу мавзуда ҳеч қачон гапирмаган ва бундан кейин ҳам шундай бўлиб қолади”, - деди Надаль.

Испаниялик теннисчи 14 йилдан бери Хиска Мария Перелло билан учрашиб юради. Матбуотда уларнинг никоҳ тўйи шу йилнинг куз ойларида Испаниянинг Мальорка оролида бўлиб ўтиши айтилган эди.