28 авг 11:15
Янгиликлар

Теннис

Рафаэль Надаль US Open стартида ғалабага эришди

Испаниялик теннис афсонаси Рафаэль Надаль “Катта Дубулға” туркумига кирувчи US Open турниридаги иштирокини ғалаба билан бошлади.

Сайёрамизнинг иккинчи ракеткаси илк давра учрашувида австралиялик Жон Миллманга қарши кортга чиқди. Надаль 2 соату 8 дақиқа давом этган баҳс якунида рейтингнинг 60-поғонасида бораётган рақибини 6/3, 6/2, 6/2 ҳисобида таслим этди.

33 ёшли Рафаэль 6 та эйс зарбасини амалга оширди. Испаниялик ракетка устаси ўзаро учашувларда 2:0 ҳисобида олдинга чиқиб олди. Энди Надаль иккинчи босқич учрашувида беларуслик Илья Ивашкадан 6/3, 7/6(8), 6/7(4), 6/2 ҳисобида устун келган яна бир австралиялик теннисчи Танаси Коккинакисга қарши кортга чиқади.