Раҳимова Уимблдон жуфтлик мусобақасида ҳам иштирок этади. Рақиб маълум!

Хабар берганимиздек, уч нафар теннисчимиздан иккиси Камилла Раҳимова ва Мария Тимофеева асосий тўрнинг илк даврасида рақибаларини мағлуб этишганди. Полина Кудерметова эса дунёнинг 41-ракеткаси, россиялик Людмила Самсоновага икки сетда ҳам бир хил ҳисобда имкониятни бой бериб, мусобақа билан хайрлашган эди - 3/6, 3/6. 

Эътиборга молик жиҳати шундаки, Камилла Раҳимова Уимблдон турнирининг жуфтликлар баҳсида ҳам ўз омадини синаб кўради. Ўзбекистоннинг биринчи ракеткаси япониялик Мию Като билан жуфтликда баҳсларда иштирок этади.

Қуръа натижасига кўра, Раҳимова/Като ҳамкорлиги илк даврада нидерландиялик Деми Шурс ҳамда австралиялик Еллен Перез тандемига қарши кортга чиқади. Ушбу учрашув бизнинг вақт билан эртага, 2 июль куни соат 15:00да бошланади.