Раҳматжон Рўзиохунов Тайсон - Жонс жанги ҳақида фикр билдирди

"Иккаласини ҳам яхши кўраман. Рой Жонс билан АҚШда 1 марта, Россияда 2 маротаба учрашганман. Жуда ҳам оқкўнгил инсон. Санкт-Петербургда кўришганимизда Иқболжон Холдоровни бизга беринглар, ўзимиз тарбиялаймиз деган. Ўзбек боксига қизиқиши  баландлигини билдирган. Бизга бўлган эътиборини кўриб жуда хурсанд бўлганман. 

Тайсон билан учрашмаганман. Лекин унга  ҳурматим  баланд. Биз 89 йилларда бокс тушиб юрганимизда кумиримиз Майк Тайсон эди-да. Айниқса мусулмонликни қабул қилганлиги учун ҳам яхши кўраман. Мен учун иккаласи бирдек. 

Ўйлайманки, бу жуда катта шоу бўлади. Қайси бири кучли тайёрланган бўлса, ўша ғалаба қозонади. Бу бокс оқшомини мазза қилиб томоша қилишни хоҳлайман", - деди Рўзиохунов.