Расман: “Барселона” ҳимоячиси Лига 1 клубига ўтди

“Барселона” сенегаллик ҳимоячи Мусса Вагени “Ницца” клубига ижарага берилганлигини тасдиқлади. Французлар Вагени мавсум сўнгида 10 млн еврога сотиб олиш ҳуқуқи билан ижарага олди. Шу билан бирга “Барселона” футболчини 2021 йилга қадар 15 млн евро эвазига ортга қайтариш имкониятини ўзида сақлаб қолди.

Маълумот учун, Мусса Ваге “Барселона”га 2018 йилнинг ёзида келган эди. У жорий мавсум клуб сафида 6 та ўйин ўтказди.