UZ

Сўнгги янгиликлар

14:15Ўзбекистонда велоспорт билан шуғулланувчилар сони 2030 йилгача 30 мингга етказилади 0 13:44Муҳиддин Мамажонов Қозоғистонда жанг қилади + ПОСТЕР 0 13:13"Нефтчи" – "Ал Ҳилол" учрашувини бошқарадиган ҳакам маълум бўлди 0 12:42Расман: БАА ҳукумати Усман Нурмагомедов иши бўйича ўз қарорини эълон қилди 0 12:11Жаҳон бокси юлдузлари Тошкентда жанг қилади + ПОСТЕР 0 11:40Дана Уайт мағлубияти йўқ гиёҳванд UFC жангчиси ҳақида гапирди 0 11:09Қатардаги йиғинда Шомуродов, Исмоилов ва Неманов қатнашмаяпти 0 10:38Жервонта Дэвис боксга қайтишини эълон қилди, рақиб ҳам маълум + ПОСТЕР 0 10:07Белал Муҳаммад Усманнинг БААда ҳибсга олинишига изоҳ берди 0 09:36Шара Буллет Криштиану Роналду унга берган маслаҳат ҳақида гапирди 0 09:05Бугун Миллий терма жамоамиз Саудия Арабистонига қарши майдонга тушади 0 08:34Хабиб БАА расмийлари билан Усманни озод қилиш бўйича келишувга эришгани айтилмоқда 0 08:03Двалишвили Ахмед Гаджимагомедовдан узр сўради 0 07:32Шарифа Давронова уч хатлаб сакраш бўйича АҚШ рейтингида иккинчи ўринда қайд этилди! 0 07:01Миллатлар лигаси. Германия Нидерландияни "сочиб ташлади", Греция - Сербия ўйини тақдирини битта гол ҳал қилди 0

06 мар 17:15
Янгиликлар

Дзюдо

Расман: Дзюдо бўйича Ўзбекистон терма жамоаларига янги бош мураббийлар билан тайинланди

Аввал хабар берганимиздек, дзюдо бўйича Ўзбекистон эркаклар ва аёллар терма жамоаларимиз мураббийлар штабида ўзгаришлар рўй берганди.

Бир неча йил давомида терма жамоамиз бош мураббийи лавозимида самарали фаолият юритиб келган Илиас Илиадис, шунингдек аёллар терма жамоамизда ишлаган германиялик Марко Спиттка ва япониялик Микки Танака билан шартнома муддатлари якунлангани ҳамда уларнинг ўз режалари борлиги сабаб дўстона хайрлашилганди.

Ўзбекистон дзюдо федерацияси раҳбарияти янги мураббийлар масаласида бир нечта номзодларни кўриб чиқди ва узоқ ўрганишлардан сўнг якуний қарорга келинди. Ҳамюртимиз Андрей Штурбабин аёллар, эстониялик мутахассис Алексей Будолин эса эркаклар терма жамоамиз бош мураббийи этиб тайинланди. Ўзбекистон дзюдо федерациясида ҳар икки мутахассис билан расмий шартнома имзолаш маросими бўлиб ўтди.     

Маълумот учун, Андрей Штурбабин 2005 йилдан 2017 йилгача 12 йил давомида терма жамоамиз бош мураббийи лавозимида ишлаган. Андрей Анатолевич уч карра Олимпия ўйинлари совриндори, икки карра жаҳон чемпиони Ришод Собировнинг шахсий мураббийи бўлган. Унинг даврида Ришод Собировдан ташқари, Диёрбек Ўразбоев ва Абдулла Тангриев ҳам Олимпия ўйинлари совриндорига айланган. Андрей Штурбабин ИЖФ томонидан 2011 йилнинг энг яхши мураббийи, унинг шогирди Ришод Собиров йилнинг энг яхши дзюдочиси деб топилган. Штурбабин давлатимиз томонидан "Шуҳрат" медали, "Дўстлик" ва "Меҳнат шуҳрати" орденлари билан мукофотланган. Ўзбекистон Республикасида хизмат кўрсатган мураббий шу кунгача Эрон терма жамоаси ҳамда Словениянинг "Бежеград" клубида мураббий бўлиб ишлаган. Унинг қўл остида эронлик дзюдочилардан Саид Моллаи жаҳон чемпиони, Муҳаммад Муҳаммади эса жаҳон чемпионати совриндори бўлган. Унинг сўнгги иш жойи Қозоғистоннинг "Женис" клуби эди. 

Эстониялик мутахассис Алексей Будолин дзюдочилик фаолияти давомида Сидней-2000 Олимпиадасида бронза медалини қўлга киритган. Жаҳон чемпионатларининг кумуш ва бронза медали совриндори ҳисобланади. Шунингдек, Европа чемпиони ҳамда тўрт маротаба совриндори бўлган. Мураббийлик фаолияти мобайнида Эстония терма жамоаси (2013-2016)да ишлаган. 2017 йилдан шу кунгача эса Швейцария терма жамоаси бош мураббийи лавозимида фаолият юритиб келаётган эди. Унинг қўл остида Нилс Штумп 2023 йилда жаҳон чемпиони бўлган.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг