Рибакина иштирокидаги 1/2 финалнинг уччала сети ҳам тай-бреккача чўзилди

Дунёнинг 12-ракеткаси бўлиб турган Елена Рибакина финал остонасида иўхтатилди. Қозоғистонлик теннис маликаси уччала сети ҳам тай-бреккача чўзилган ярим финал учрашувида WTA рейтингида 36-ўринни эгаллаб турган канадалик Лейла Фернандесга имкониятни бой бериб қўйди - 7/6(2), 6/7(3), 6/7(3). 

Фернандес теннисчиларнинг ўзаро учрашувлари ҳисобида олдинга чиқиб олди - 2:1. Уч соату 16 дақиқа давом этган драматик баҳсда Рибакина 17, Фернандес 12 та эйс зарбасини амалга оширган. Иккала теннисчи ҳам 1 тадан брейкдан фойдаланган. Бугун Лейла бош соврин учун россиялик Анна Калинскаяга қарши кортга чиқади.