12 май 19:14
Янгиликлар

Теннис

Рим WTA 1000. 18 ёшли Мирра Андреевада яна ғалаба

Дунёнинг еттинчи ракеткаси Мирра Андреева Римда давом этаётган нуфузли турнирнинг тўртинчи давра иштирокчисига айланди.

Россиялик 18 ёшли иқтидор эгаси учинчи босқичда WTA рейтингида 30-ўринни эгаллаб турган чехиялик Линда Носковани 6/1, 7/5 ҳисобида мағлубиятга учратди. Мирра теннис маликаларининг ўзаро учрашувида олдинда бормоқда - 3:1.

Саксон тўрт дақиқа давом этган баҳсда иккала теннисчи ҳам 2 тадан эйс зарбасини амалга оширган. Қўшхатолар Носковада биттага кўпроқ бўлди - 6 га 5. Андреева 5 та брейк эвазига учрашувни ўз фойдасига ҳал қилди. Энди у 1/4 финал чиптаси учун даниялик Клара Таусонга қарши кортга чиқади.