18 май 13:33
Янгиликлар

Теннис

Рим WTA 1000 турнирининг жуфтлик баҳсларида финалчилар аниқланди

Италия пойтахти Рим шаҳрида ўтказилаётган WTA 1000 тоифасига кирувчи нуфузли турнирда 1/2 финал учрашувлари ортда қолди.

Илк ярим финал жуфтлигида италиялик тенннисчилар Сара Эррани ва Жасмине Паолини ортиқча қийинчиликсиз турнирнинг саккизинчи рақамли жуфтлиги, америкаликлар Каролин Долхайд ҳамда Дезайр Кравчикдан устун келишди - 6/1, 6/2.

Иккинчи ярим финал баҳсида эса учинчи рақам остида таснифланган жуфтлик - америкалик Коко Гофф ва Янги Зеландия вакиласи Эрин Рутлиф хитойлик теннис маликалари Ван Синью ҳамда Чжэн Сайсайни мағлуб этишди - 6/3, 7/6(3). Бош соврин учун кечадиган финал учрашуви эртага бўлиб ўтади.