14 май 16:36
Янгиликлар

Теннис

Рим (WTA). 18 ёшли Мирра Андреевани тўхтатишди

Италиянинг Рим шаҳрида ўтказилаётган теннис бўйича WTA 1000 тоифасига кирувчи турнир ўзининг ҳал қилувчи палласига кирди.

WTA рейтингида еттинчи ўринни эгаллаб турган Мирра Андреева 1/4 финалда дунёнинг учинчи ракеткаси, америкалик Коко Гоффга 4/6, 6/7(5) ҳисобида имкониятни бой бериб қўйди. 21 ёшли Гофф 18 яшар Мирра учун ноқулай рақиба бўлиб қолмоқда. Ўзаро ўтказилган тўртта учрашувнинг барчасида Коконинг қўли баланд келган.

Бир соату 45 дақиқа давом этган баҳсда Гофф 2 та эйс, 4 та брейкка эришиб, 2 та қўшхатога йўл қўйди.