27 июн 10:19
Янгиликлар

Бокс/ММА

Роберт Уиттакер Чимаевдан гапига изоҳ сўради

Ўрта вазнда собиқ UFC чемпиони Роберт Уиттакер амалга ошмай қолган рақиби Хамзат Чимаевдан гапига жавоб беришни талаб қилмоқда.

Австралиялик аралаш яккакураш устаси Чимаевнинг ўрнига жанг қилган россиялик Икрам Алискеровни биринчи раунддаёқ нокаутга учратганди. Ўша жангдан кейин Хамзат Робертга "тез орада кўришамиз" деганди.

"Тез орада кўришамиз деяпсан, лекин қачон ва қаерда? Сен ҳеч қайси бир давлатга етиб боролмайсан-ку! Қаерда мен билан кўришмоқчисан?", - дея кулгу аралаш Чимаевга мурожаат қилган Уиттакер ўзининг подкастида.

Шу билан бир қаторда Роберт UFC агар "Борз" билан жангни қайта белгиласа, бунга қарши бўлмаслигини ҳам айтди.

"Мен ўзим жангларимни белгиламайман. Агар чиндан ҳам UFC`га бу жанг керак бўлса, мен бунга тайёрман", - деди Уиттакер

Шунингдек, Роберт Уиттакер 17 авнуст куни Австралиянинг Перт шаҳрида ўтказиладиган UFC 305 турнирида Дрикус Дю Плесси - Исраэль Адесанья жангига захира вариантни бўлиш истаги йўқлигини ҳам айтиб ўтди.

"Пертда жанг қилиш истагим йўқ. Режам бўйича йилнинг охирги уч ойида – октябрь, ноябрь ёки декабрда октагонга чиқмоқчиман", - дея сўзларига якун ясади Уиттакер.