23 янв 08:23
Янгиликлар

Теннис

Рожер Федерер Дэвис Кубогида иштирок этмайди

Теннис бўйича Швейцария терма жамоасининг Дэвис Кубогида иштирок этадиган таркиби маълум бўлди.

Швейцарияликлар норасмий жаҳон чемпионатининг саралаш босқичида Россия терма жамоасига қарши баҳс олиб боришади. Учрашув 1-2 февраль кунлари Швейцариянинг Биле шаҳрида бўлиб ўтади.

Афсуски, Швейцария терма жамоаси жаҳон теннис юлдузи Рожер Федерернинг хизматидан фойдалана олмайди. Россияга қарши Генри Лааксонен (дунёнинг 166-ракеткаси), Марк-Андреа Хюслер (361), Якуб Пауль (558), Сандро Эрхат (584) ва Жером Сирилл Ким (242) кортга чиқади.