03 июн 09:27
Янгиликлар

Теннис

"Ролан Гаррос". Дунёнинг биринчи ракеткаси тўртинчи даврада

Франция пойтахти Париж шаҳрида "Катта Дубулға" туркумига кирувчи "Ролан Гаррос" турнири давом этмоқда.

Дунёнинг биринчи ракеткаси Карлос Алькараз French Open турнирининг тўртинчи давра иштирокчисига айланди. Испаниялик теннисчи 2 соату 12 дақиқа давом этган баҳсда рейтингнинг 32-поғонасидан жой олган канадалик Денис Шаповаловни ортиқча қийинчиликсиз мағлубиятга учратди - 6/1, 6/4, 6/2.

Бу теннисчиларнинг ўзаро ўтказган илк учрашуви эди. Иккала теннисчи ҳам биронта эйс зарбасини амалга ошира олмаган. Қўшхатолар Шаповаловда 10 тани ташкил қилди. Алькараз эса 1 та қўшхатога йўл қўйиб, 7 та брейк қайд этди. Энди Карлос "Ролан Гаррос" турнирининг тўртинчи босқичида италиялик Лоренцо Музеттига қарши кортга чиқади.