03 июн 14:35
Янгиликлар

Теннис

"Ролан Гаррос". Мэдисон Киз 1/4 финалда ўйнайди

Дунёнинг саккизинчи ракеткаси Мэдисон Киз Франция Очиқ чемпионатининг чорак финал иштирокчисига айланди.

Америкалик теннисчи 1/8 финалда WTA рейтингида 70-ўринни эгаллаб турган ватандоши Хейли Баптистни 6/3, 7/5 ҳисобида мағлубиятга учратди. Америкаликларнинг ўзаро учрашувларида тажрибали Мэдисон олдинда бормоқда - 3:1.

Тўқсон беш дақиқа давом этган баҳсда Киз 7, Баптист 3 та эйс зарбасини амалга оширган. Иккала теннисчи ҳам 2 тадан қўшхатога йўл қўйди. Брейклар бўйича устунлик ғолиба томонида бўлди - 3 га 1. Энди Киз 1/2 финал чиптаси учун яна бир ҳамюрти Коко Гоффга қарши кортга чиқади.