28 май 10:50
Янгиликлар

Теннис

“Ролан Гаррос”. Уильямс илк босқичда 91-ракеткага ютқазди

Франция пойтахти Париж шаҳрида теннис бўйича “Катта Дубулға” туркумига кирувчи “Ролан Гаррос” турнирининг асосий тўр баҳслари давом этмоқда.

Хотин-қиз теннисчилар ўртасидаги мусобақанинг илк даврасида яна бир таниқли ракетка устаси ўз иштирокини тўхтатишга мажбур бўлди. Америкалик Винус Уильямс хитойлик Цзян Ванга қарши кечган учрашувда кутилмаганда мағлубият аламини тотиб кўрди.

Дунёнинг 9-ракеткаси бўлган 37 ёшли Винус WTA рейтингида 91-ўринни эгаллаб турган 26 ёшли Чин юрти вакиласига 4:6, 5:7 ҳисобида имкониятни бой берди. Энди Ван иккинчи даврада хорватиялик Петра Мартичга қарши кортга чиқади.