Роналду "Ювентус" - "Локо" ўйинидан сўнг ПСЖга ўтишни хоҳлашини айтган

France Football'нинг хабарига кўра, португалиялик футболчи 22 октябрь куни ўтказилган "Локомотив" (2:1)га қарши ўйиндаги паст сифатли ўйиндан ғазабланган.

Футболчи Андреа Аньелли, Павел Недвед, Жанлуижи Буффон ва португалияликнинг агенти Жорже Мендешлар томоша қилган ўйиндан сўнг жаҳли чиққан.

Бироз ўтиб эса Роналду ПСЖга ўтишни хоҳлаётганини айтган. У Неймар ва Килиан Мбаппе билан ўйнашни орзу қилишини ҳам қўшимча қилган. У бразилиялик билан яхши муносабатда, французнинг ўйини эса уни ҳайратда қолдирган. У шунингдек 2016 йил Европа чемпионатини қўлга киритган Париж шаҳрида яшашни ва ўйнашни орзу қилади.

Коронавирус пандемияси эса Роналдуни ПСЖга ўтиш истагидан воз кечишга мажбур қилди. Аммо, португалиялик футболчининг вакиллари паузага қадар Роналдунинг "Ювентус"дан кетиш эҳтимоли юқори бўлганини айтишган.

Футболчи жорий мавсум "Ювентус" сафида А Серия доирасидаги 33та ўйинда майдонга тушиб, 31та гол ва 6та ассист қайд этди.