Россия бокс федерацияси CASга иккита даъво аризаси билан чиқди

Аризаларнинг қисқача мазмуни: россиялик спортчиларнинг мусобақалардан четлатилиши ҳамда Россия ҳудудида халқаро мусобақалар ўтказилишининг тақиқланиши.

Март ойида Халқаро бокс ассосиацияси (IBA) россия ва беларуслик спортчиларни мусобақалардан четлаштирди. Шунингдек, IBA 2022 йили Россия ҳудудида ўтказилиши режалаштирилган халқаро мусобақаларни ҳам бекор қилди.

"Биз CASга ариза бердик. Бу ҳақда аввалроқ хабар бермагандик, сабаби бизнинг испаниялик адвокатимиз бор, биз унга пул ўтказдик, лекин пул ўз вақтида етиб бормади. Асосийси, ариза беришда талаб қилинадиган тўлов САSга етиб борган. У қабул қилинди.

Бизда иккита даъво бор: четлатилган боксчиларимизнинг шаънини ҳимоя қилиш ва Россия ҳудудида халқаро мусобақалар ўтказиш", - деб хабар қилган федерация бош котиби Татьяна Кириенко.