Россиялик теннисчилар кетма-кет уч ҳафта ATP турнирларида ғолиб чиқишмоқда

Аввалига Андрей Рублёв Роттердамда, кейин Даниил Медведев Марселда, энди эса Аслан Карацев Дубайда ғолибликни қўлга киритди.

Шунингдек, бу уч теннисчи ATPнинг сўнгги етти йирик турнирида ғолиб бўлишди: Рублёв Санкт-Петербург, Вена, Роттердам ва Гамбургдаги ATP 500 да, Медведев Париждаги "Мастерс" ва ATP Final турнирида, Карацев эса Дубайдаги ATP 500 мусобақасида чемпионга айланди.

Новак Жокович ва Рафаэль Надаль "Катта Дубулға" туркумидаги икки турнирда ғолибликни қўлга киритган бўлсада, аммо у турнирлар ITF таснифидаги мусобақа ҳисобланади.