21 дек 12:38
Янгиликлар

Теннис

Саидаъло Саидкаримов ярим финал учрашувида кортга чиқди

Покистон пойтахти Исломобод шаҳри мезбонлик қилаётган теннис бўйича “Фьючерс” туркумига кирувчи турнир ўзининг ҳал қилувчи палласига кирди.

Соврин жамғармаси 15 000 АҚШ долларини ташкил қилувчи ушбу мусобақада ҳамюртимиз Саидаъло Саидкаримов ҳам муваффақиятли тарзда иштирок этаётган эди.

Афсуски, ҳозиргина якунига етган ярим финал учрашувида у мағлубият аламини тотиб кўрди. Истеъдодли теннисчимиз 1 соату 10 дақиқа давом этган баҳсда турнирнинг учинчи ракеткаси германиялик Кай Вехнелтга 0:6, 5:7 ҳисобида ютқазиб қўйди.