03 фев 08:46
Янгиликлар

Теннис

Саидкаримов Анталияда иккинчи ракеткага қарши кортга чиқди

Туркиянинг Анталия шаҳрида теннис бўйича “Фьючерс” туркумига кирувчи турнир давом этмоқда.

Соврин жамғармаси 15 000 АҚШ долларини ташкил қилувчи мусобақада ҳамюртимиз Саидаъло Саидкаримов ҳам иштирок этаётганди. Истеъдодли теннисчимиз илк даврада қозоғистонлик Ким Ивановни мағлуб этганди.

Афсуски, Саидаъло иккинчи босқич баҳсида турнирнинг иккинчи ракеткаси, туркиялик Эрги Киркинга 2:6, 5:7 ҳисобида имкониятни бой бериб қўйди. Эрги чорак финалда бразилиялик Бруно Сантаннани 6:3, 6:0 ҳисобида енгди.