Saint Louis Rapid & Blitz 2026. Синдаров блиц турнирида 9 та учрашув ўтказди. Бугун чемпион аниқланади

Ушбу нуфузли турнирда ҳамюртимиз Жавоҳир Синдаров ҳам муваффақиятли дона сурмоқда. Мусобақанинг тўртинчи куни блиц, яъни тезкор шахмат баҳсларига старт берилди. Шахматчилар блицнинг биринчи куни 9 та тур учрашувларида ўзаро ҳисоб-китоб қилишди. 

Жавоҳир Синдаров биринчи ва ягона мағлубиятини нидерландиялик Йорден ван Форестдан қабул қилиб олди. Қолган партияларда ҳамюртимиз дуранг ва ғалаба қайд этди. Левон Аронян, Аниш Гири, Винсент Кеймер, Рамешбабу Праггнанандҳа ва Уэсли Со билан кечган партияларда дуранг натижа қайд этилди. Фабиано Каруана, Эвондер Лианг ва Леньер Домингес Жавоҳир томонидан мағлуб этилди. 

Бугун блицда қолган 9 та партия ўйналади ҳамда рапид ва блиц йўналишларида тўпланган очколар умумлашувида ғолиб аниқланади. Ҳозирча турнир жадвалида Рамешбабу Праггнанандҳа 18 очко билан биринчи ўринни эгаллаб турибди. Иккинчи поғонадаги Жавоҳир Синдаров ҳисобида 16,5 очко бор. Америкалик Уэсли Со 15 очко билан соф учинчи ўринни банд этган. Америкалик Левон Аронян 14,5 очко билан тўртинчи поғонадан жой олган. Бугун Жавоҳир айнан Аронянга қарши оқ доналардаги ўйин билан блиц баҳсларини давом эттиради. Иккинчи кунги блиц баҳслари ҳам бизнинг вақт билан соат 22:00да бошланади. 

(Блиц мусобақасининг биринчи кунги натижаларидан кейинги турнир жадвали)

Иштирокчиларнинг тўлиқ таркиби: Жавоҳир Синдаров (Ўзбекистон), Фабиано Каруано, Левон Аронян, Уэсли Со, Леньер Домингес, Авондер Лианг (барчаси АҚШ), Винсент Кеймер (Германия), Аниш Гири, Йорден ван Форест (иккиси ҳам Нидерландия), Рамешбабу Праггнанандҳа (Ҳиндистон). 

Рапид ва блиц мусобақасининг умумий жадвали