UZ

Сўнгги янгиликлар

18:19"Мен Умар ва Усманнинг катта мухлиси эдим..." - Саба Лазишвили 0 17:40"Учрашиб, ҳаммасини муҳокама қилишимиз мумкин". Мераб Двалишвили Ислам Махачевга мурожаат қилди 0 17:17Абдуқодир Ҳусановнинг нархи Саудия Арабистони терма жамоасининг барча футболчилари қийматидан юқори 0 16:48Махачқалъада самбо бўйича Россия чемпионати совриндори отиб кетилди. Нималар маълум? 0 16:19Мераб Двалишвили: «Усман ва Умар эркак эмас» 0 15:45Асламжон Ортиқов чемпионлик реванши олдидан ўтган жангдаги хатосини эслади 0 15:17Почеттино АҚШ терма жамоаси ярим ҳимоячисини "Манчестер Юнайтед"га олиб келмоқчи 0 14:46Олти ой ўрнига олти кун! Нурмагомедовларни қамоқдан Хабиб қутқариб қолдими? 0 14:15Ўзбекистонда велоспорт билан шуғулланувчилар сони 2030 йилгача 30 мингга етказилади 0 13:44Муҳиддин Мамажонов Қозоғистонда жанг қилади + ПОСТЕР 0 13:13"Нефтчи" – "Ал Ҳилол" учрашувини бошқарадиган ҳакам маълум бўлди 0 12:42Расман: БАА ҳукумати Усман Нурмагомедов иши бўйича ўз қарорини эълон қилди 0 12:11Жаҳон бокси юлдузлари Тошкентда жанг қилади + ПОСТЕР 0 11:40Дана Уайт мағлубияти йўқ гиёҳванд UFC жангчиси ҳақида гапирди 0 11:09Қатардаги йиғинда Шомуродов, Исмоилов ва Неманов қатнашмаяпти 0

16 авг 08:47
Янгиликлар

Шахмат

Saint Louis Rapid & Blitz турнири якунланди. Абдусатторов блицда биринчи бўлди

АҚШнинг Миссури штати Сент-Луис шаҳри мезбонлик қилган шахмат бўйича мукофот жамғармаси 175 000 долларни ташкил этувчи нуфузли турнир ўз якунига етди.

Бу ҳисоб бўйича GCT туркумидаги тўртинчи мусобақа бўлиб, дунёнинг кўзга кўринган юлдузлари бош соврин учун ўзаро баҳс олиб боришди. Турнирда гроссмейстеримиз, рапид йўналишида жаҳон чемпиони Нодирбек Абдусатторов юртимиз шарафини ҳимоя қилди. 

Мусобақа форматига кўра, ўйинлар 3 кун рапид (25+10) ва 2 кун блиц (5+2) йўналишида ўтказилди. Рапидда ғалаба учун 2, блицда эса 1 очко берилди. Рапид турнири 9 тур, блиц мусобақаси эса айлана тизимда 18 турдан иборат бўлди. 

Saint Louis Rapid & Blitz турнири иштирокчилари: Нодирбек Абдусатторов, Фабиано Каруана (АҚШ), Гукеш Доммараджу (Ҳиндистон), Максим Вашье-Лаграв (Франция), Уэсли Со (АҚШ), Ле Куанг Льем (Вьетнам), Леньер Домингьез (АҚШ), Левон Аронян (АҚШ), Сэм Шанкланд (АҚШ), Григорий Опарин (АҚШ)

Мусобақанинг бешинчи куни блиц, яъни тезкор шахмат йўналишида яна 9 та тур учрашуви ўтказилди. Абдусатторов кечаги кун стартида кетма-кет иккита ғалабага эришди. Максим Вашье-Лаграв ва Григорий Опарин таслим этилди. Учинчи турда Нодирбек "ушлаганни юриш" қоидаси сабаб битта пиёдасини йўқотган бўлишига қарамай, якунда пешқадам Левон Аронян билан дуранг қайд эта олди.    

Тўртинчи партияда амалдаги жаҳон чемпиони Гукеш Доммараджуга қарши баҳсда катта устунликка эга бўлса-да, вақт камлиги туфайли аламли мағлубиятни қабул қилиб олди. Блицнинг биринчи куни Абдусатторов Гукешни мағлуб этганди. Кейин ҳамюртимиз Уэсли Со, Сэм Шанкланд ва Леньер Домингес билан дурангга имзо чекди. Рейтинг етакчиси Фабиано Каруанани иккинчи маротаба ҳам таслим этди. Сўнгги турда вьетнамлик гроссмейстер Ле Куанг Льем билан дуранг ўйнади. 

Бор йўғи ярим очко уни совринли учликдан ажратиб қолди. Бир очко кўпроқ жамғарганида эса мусобақада иккинчи ўринни эгалларди. Шунга қарамай, Нодирбек блиц турнирида 18 турдан 11,5 очко жамғариб, 1-ўринни эгаллади. Абдусатторов рапид йўналишида 7-ўрин билан чекланганди. Айнан ўша рапидда йўқотилган қимматли очколар ҳамюртимизни якунда умумий рўйхатда 4-ўринни эгаллашини "таъминлади". 

Асли арманистонлик, бир неча йилдан бери АҚШ шарафини ҳимоя қилаётган Левон Аронян — Saint Louis rapid and blitz 2025 турнири чемпионига айланди. Аронян турнир якунланишига 3 тур қолганида чемпионликни амалда расмийлаштирди. Фабиано Каруана рапидда 1-ўринни эгаллаганига қарамай, блиц баҳсларида 18 турдан 7,5 очко тўплаб (блицда 8-ўрин), умумий жадвалда 2-ўринни банд этди. Нодирбекни 0,5 очкога ортда қолдирган франциялик Максим Вашье-Лаграв мусобақани кучли учликда якунлади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг