Самарқандда халқаро илмий-амалий анжуман бошланди

Ўзбекистон Республикаси Ёшлар сиёсати ва спорт вазирлиги Жисмоний тарбия ва спорт бўйича мутахассисларни қайта тайёрлаш ва малакасини ошириш институтининг Самарқанд филиалида 2023-йил 23-24 июнь кунлари ўтказилиши белгиланган “Глобаллашув жараёнида жисмоний тарбия ва спорт бўйича мутахассисларни тайёрлаш, қайта тайёрлаш ва малакасини ошириш тизимидаги долзарб муаммо ва ечимлар” мавзусидаги халқаро миқёсидаги илмий-амалий анжуман бугун ўз ишини бошлади.

Халқаро анжуманнинг очилиш маросимида Ўзбекистон Республикаси Ёшлар сиёсати ва спорт вазири ўринбосари Дурдона Раҳимова, Самарқанд вилояти ҳокимининг Ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Хуршид Очилов, Жисмоний тарбия ва спорт бўйича мутахассисларни қайта тайёрлаш ва малакасини ошириш институти ректори, профессор Илҳомжон Турсуналиев, Деҳли университети профессори Равиндер Гарвешлар томонидан халқаро Анжуман иштирокчиларига табрик сўзлари эшитилди.

Бразилия Жуиз де Фор Федерал университети, фалсафа доктори, доцент Линдсеи Брабеc Мота Баррето томонидан Жанговар спорт турларида техник-тактик таҳлил қилиш учун (ФРАМИ) рамкадан фойдаланиш мавзусида. Жисмоний тарбия ва спорт бўйича мутахассисларни қайта тайёрлаш ва малакасини ошириш институти Самарқанд филиали профессори, педагогика фанлари номзоди Ҳамроқул Рафиев томонидан Глобаллашув жараёнида жисмоний тарбия ва спорт соҳасининг баъзи муаммолари ва ечимлар мавзусида маърузалари эшитилди.