12 фев 16:32
Янгиликлар

Теннис

Санжар Файзиев Актобедаги турнирни ғалаба билан бошлади

Қозоғистоннинг Актобе шаҳрида теннис бўйича эркаклар ўртасида мукофот жамғармаси 25 000 АҚШ долларини ташкил этувчи турнир бошланди.

Ушбу мусобақада ўзбекистонлик теннисчилар ҳам иштирок этишмоқда.

Бугун мусобақа доирасида Санжар Файзиев илк учрашувини ўтказди. Биринчи даврада теннисчимизга қозоғистонлик Григорий Ломакин рақиблик қилди. 1 соат 11 дақиқа давом этган ўйинда Санжар рақибини 6:4, 6:4 ҳисобларида мағлуб этди ва иккинчи даврага йўл олди.

Мусобақанинг асосий даврасида Ҳумоюн Султонов ва Сергей Фомин ҳам иштирок этмоқда. Саидаъло Саидкаримов эса саралаш баҳсларида имкониятни бой берди.